Bildutako dirua haurrei indarkeriatik urrun ikasi, jolastu eta hazteko espazio seguruak bermatzen dizkieten proiektuetara bideratuko da. Funtsezko babesa da, ia 5 adingabetik 1 gerren eta gatazka armatuen eraginpean bizi den mundu honetan.

Munduko 49 milioi haurrek etxetik ihes egin behar izan dute gerren, krisi klimatikoen edo aukera faltaren ondorioz. Hori dela eta, dortsal sinboliko bakarra erabiliko dugu, 049, etxea uztera behartutako haur guztiei laguntzeko eta ikusarazteko.Egoera horretan, hezkuntza da galtzen den lehen eskubideetako bat, nahiz eta eskola, inoiz baino gehiago, egonkortasuna, ikaskuntza eta babesa eskaintzen dituen babesleku eta ingurune segurua izan.

Lasterketa hau mundu solidarioago bati buruz hausnartzeko gonbidapena ere bada, non krisiek — urrunekoak diruditen arren — sustrai komunak dituzten eta pertsona guztiengan eragina izan dezaketen.

Aurten ere, Indautxu Jesuitak Ikastetxeak, Ellacuria Fundazioak, Deustuko Unibertsitateak eta Alboan Fundazioak indarrak batu dituzte herritar guztiak gonbidatzeko hitzordu solidario honetan parte hartzera.

Korrika edo oinez egin ahal izango duzu errefuxiatu haurren aldeko zure ahotsa entzunarazteko eta haur errefuxiatuen eskubideekiko konpromisoa adierazteko.

6,3 km-ko lasterketa (14 urtetik gorakoak) – 11:30 h
5,3 km-ko martxa solidarioa (adin guztietan) – 11:30 h
Proba betetzeko gehienezko denbora ordu 1 eta 30 minutukoa izango da.
Irteera lekua: Bilboko Itsas Museoko zabalgunea (Euskalduna zubia)

Dortsalak, ur malguko botila batekin batera, hurrengo egunetan entregatuko dira:

• Urtarrilak 29, osteguna 08:00etatik 18:00etara Alaboanen egoitzan (Aita Lojendio 2, 2)
• Urtarrilak 30, ostirala 08:00etatik 15:00etara eta 16:00etatik 19:00etara, Aita Lojendio kaleko 2. zenbakian, Alboanen egoitzan.

Dortsala jasotzeko, izen-ematearen egiaztagiria eta NANa aurkeztu beharko dira.
Dortsalak entregatzean aldaketarik balego, e-mail bat bidaliko da.